Bakıda yük maşını ilə minik avtomobili toqquşub, ölən var

Bakıda ölümlə nəticələnən ağır yol-nəqliyyat hadisəsi baş verib.

"Report"un məlumatına görə, hadisə Sabunçu rayonunda qeydə alınıb.

Belə ki, yük maşını ilə minik avtomobilinin toqquşması nəticəsində 1 nəfər dünyasını dəyişib, 2 nəfər isə xəsarət alıb.

Hadisə yerinə Sabunçu Rayon Polis İdarəsinin əməkdaşları cəlb olunub.

Faktla bağlı araşdırmalar aparılır.