Bakıda yolu keçmək istəyən piyadanı maşın vurub

Bakı. 26 aprel. REPORT.AZ/ Bakının Xəzər rayonunda piyadanın vurulması ilə nəticələnən yol-nəqliyyat hadisəsi baş verib.

"Report" xəbər verir ki, hadisə Binə qəsəbəsi, "Südçülük savxozu" adlanan ərazidə qeydə alınıb.

1984-cü il təvəllüdlü Əhmədov İsrail Əhmədliyə oğlu yolu keçmək istəyərkən "Jiquli" markalı avtomobil tərəfindən vurulub. Hadisəni törədən sürücü yaralını xəstəxanaya yerləşdirib.

Faktla bağlı Dövlət Yol Polisi İdarəsinin Xəzər rayon şöbəsində araşdırma aparılır.