Bakıda baş verən yol-nəqliyyat hadisəsində bir neçə nəfər xəsarət alıb

Bakıda bir neçə nəfərin xəsarət alması ilə nəticələnən yol-nəqliyyat hadisəsi baş verib.

"Report"un məlumatına görə, hadisə Nərimanov rayonunda qeydə alınıb. Avtomobil yolu keçən 16 yaşlı Kərimov Nicat Gündüz oğlunu, 18 yaşlı Məmmədov Əli Bahadur oğlunu və 19 yaşlı Rəcəbbəyli Yusif Aydın oğlunu vurub.

Hər üç yaralı təcili tibbi yardımın köməkliyi ilə xəstəxanaya çatdırılıb. Müayinə zamanı onlara müxtəlif dərəcəli travmalar diaqnozu qoyulub.

Hadisənin təfərrüatı araşdırılır.