Yuxarı

Bakıda yaşlı kişini maşın vuraraq öldürüb

Hadisə Zabrat qəsəbəsində baş verib

Bakı. 13 sentyabr. REPORT.AZ/ Bakının Sabunçu rayonunun Zabrat qəsəbəsində piyadanın ölümü ilə nəticələnən yol-nəqliyyat hadisəsi baş verib.

"Report" xəbər verir ki, naməlum avtomobil yüksək sürətlə hərəkət edərkən yolu keçmək istəyən 50-55 yaşlı kişini vuraraq hadisə yerindən yayınıb.

Qəza yerində dünyasını dəyişən şəxsin meyitini yoldan keçən sürücülər görüb və mərhumun cəsədi Məhkəmə - Tibbi Ekspertiza və Patoloji Anatomiya Birliyinin Sabunçu rayon şöbəsinə aparılıb. Üzərində heç bir sənəd olmadığı üçün mərhumun şəxsiyyətini müəyyən etmək mümkün olmayıb.

Faktla bağlı hüquq-mühafizə orqanları araşdırma aparır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi