Bakıda xəsarətlə nəticələnən yol-nəqliyyat hadisəsi baş verib.
"Report"un məlumatına görə, hadisə Yasamal rayonunda qeydə alınıb.
A.M.Şərifzadə küçəsində 1997-ci il təvəllüdlü Şahverdiyev Kənan Əlikram oğlunun idarə etdiyi motosiklet minik avtomobili ilə toqquşub. Hadisə zamanı motosikletin sürücüsü müxtəlif xəsarətlər alıb. O, təcili tibbi yardımın köməkliyi ilə xəstəxanaya çatdırılıb. Müayinə zamanı K.Şahverdiyevə sağ biləyin və sol ayağın əziyi diaqnozları qoyulub.
Fakt araşdırılır.