Bakı. 4 noyabr. REPORT.AZ/ Azərbaycan Dövlət Neft və Sənaye Universitetinin yataqxanasında tələbələr arasında dava düşüb. “Report”un xəbərinə görə, universitetin dördüncü kurs tələbəsi olan İraq vətəndaşı, 1992-ci il təvəllüdlü Muhammed Sıddık oğlu Kazım xuliqanlıq zəminində Suriya vətəndaşı, 1994-cü il təvəllüldlü Mahmud Xıdır oğlu əl-Həsəni döyüb.
Mahmud əl-Həsən hadisə ilə bağlı Nəsimi Rayon Polis İdarəsinin 21-ci Polis Bölməsinə ərizə ilə müraciət edib.
Faktla bağlı araşdırma aparılır.