Bakıda traktor 67 yaşlı kişini vuraraq ağır xəsarət yetirib

Bakıda 1 nəfərin xəsarət alması ilə nəticələnən yol-nəqliyyat hadisəsi baş verib.

"Report" xəbər verir ki, hadisə Bakı-Şamaxı magistral yolunda qeydə alınıb.

Belə ki, 1952-ci il təvəllüdlü Tapdıqov Məmmədxan Sədiyar oğlu yolu keçmək istəyərkən "Qrider" markalı traktor onu vurub. Yaralı təcili tibbi yardım briqadasının köməkliyi ilə xəstəxanaya çatdırılıb. Onun vəziyyətinin ağır olduğu bildirilir.