Yuxarı

Bakıda təcridxanaya telefon keçirmək cəhdinin qarşısı alınıb - FOTO

Fakt üzrə araşdırma aparılır

Bakı. 26 yanvar. REPORT.AZ/ Ədliyyə Nazirliyinin Penitensiar xidmət əməkdaşları tərəfindən həyata keçirilmiş axtarış-baxış tədbirləri nəticəsində 3 saylı İstintaq təcridxanasına telefon keçirmək cəhdinin qarşısı alınıb. "Report" xəbər verir ki, bu barədə xidmətin İctimaiyyətlə əlaqələr şöbəsinin yaydığı məlumatda bildirilir.

Məlumatda bildirilir ki, Cinayət Məcəlləsinin 180.1 maddəsinə əsasən həbs edilən şəxs Həsənbala Sərdar oğlu Tahirovun yanına qısamüddətli görüşə gəlmiş dostu, Bakı şəhər sakini Cavad Raqib oğlu Cavad-zadənin üzərinə və gətirdiyi sovqata baxış keçirilən zaman sovqatda olan “ARKO MEN" üzqırxan gelin içərisində xüsusi üsulla gizlədilən, daxilində “Cin” danışıq kartı olan 1 ədəd “Samsung” markalı mobil telefon aparatı, 1 ədəd “Nar” danışıq kartı və 1 ədəd elektrik qidalandırıcısı aşkar edilərək götürülüb.

Fakt üzrə araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi