Yuxarı

Bakıda sükan arxasında döyülən sürücü qəza törədib, xəsarət alanlar var - FOTO - VİDEO - YENİLƏNİB

Bakıda sükan arxasında döyülən sürücü qəza törədib, xəsarət alanlar var - FOTO - VİDEO - YENİLƏNİB
© Report

Video əlavə olunub


*** 08:29

Bakı. 19 dekabr. REPORT.AZ/ Bakıda sükan arxasında döyülən sürücü qəza törədib.

"Report" xəbər verir ki, hadisə Yasamal rayonunda baş verib.

Belə ki, 1990-ci il təvəllüdlü Nurlan Həsənli idarə etdiyi 99-FD-939 dövlət qeydiyyat nişanlı "Mercedes" markalı avtomobil ilə Akim Abbasov küçəsindən sağa - Şəfayət Mehdiyev küçəsinə dönən zaman avtomobildə tanışı olan bir qadın və bir kişi ilə mübahisə edib. Mübahisə zamanı sürücü N.Həsənli döyülüb. Bu zaman N. Həsənli idarəetməni itirərək yol kənarında motosikletləri təmir edən 1992-ci il təvəllüdlü Hüseynov Röyal Rəcəb oğlunu vurub. 

Daha sonra idarəetmədən çıxan maşın 90-VB-577 dövlət qeydiyyat nişanlı "Mercedes" markalı avtomobil arxasında dayanan sonuncu avtomobilin sürücüsü, 1988-ci il təvəllüdlü Cəmiyev Elçin Yaşar oğlunu vuraraq avtomobilə çırpıb. Hər iki yaralı xəstəxanaya yerləşdirilib. Həkimlərin verdiyi məlumata görə, E.Cəmiyev koma vəziyyətindədir.

Avtomobildə olan N.Həsənliyə hadisə yerində ilkin tibbi yardım göstərilib.

Əraziyə cəlb edilən Yasamal Rayon Polis İdarəsinin əməkdaşları hadisəni törədən sürücünü və sərnişinləri saxlayıb. Araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi