Yuxarı

Bakıda sərnişin avtobusu sərxoş piyadanı vurub

Yaralı ağır vəziyyətdə xəstəxanaya yerləşdirilib

Bakı. 4 dekabr. REPORT.AZ/ Bakıda sərnişin avtobusu 33 yaşlı piyadanı vurub. "Report"un məlumatına görə, hadisə səhər saatlarında Sabunçu rayonunun Bakıxanov qəsəbəsində "Bakıxanov" ticarət mərkəzinin qarşısında baş verib. Hadisə piyada Arim Ziya Süleyman yolu keçmək istəyən vaxt baş verib. Yaralı ağır vəziyyətdə xəstəxanaya yerləşdirilib. Onun həyatını xilas etmək mümkün olub. İlkin müayinə zamanı piyadanın sərxoş vəziyyətdə olduğu müəyyənləşib. A.Süleyman səhər saatlarında dostları ilə birlikdə xaş süfrəsi arxasında spirtli içki qəbul etdiyini bildirib. Piyadanı vuran avtobusun sürücüsü isə artıq izahatının alınması üçün Sabunçu Rayon Polis İdarəsinə aparılıb. Qəzanın səbəblərinə araşdırmalardan sonra aydınlıq gətiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi