Bakıda qadını avtomobillə vurub qaçan şəxs saxlanılıb

Bakı. 25 dekabr. REPORT.AZ/ Bakı Şəhər baş Polis İdarəsi (BŞBPİ) paytaxt ərazisində piyadaların vurulması ilə bağlı məlumat yayıb. BŞBPİ-nin mətbuat xidmətindən "Report"a bildirilib ki, Suraxanı Rayon Polis İdarəsi (RPİ) və Təhlükəsiz Şəhər Xidməti əməkdaşlarının keçirdikləri əməliyyat-axtarış tədbirləri nəticəsində, dekabrın 22-də saat 17 radələrində, Hövsan qəsəbəsi Q.Şabanov küçəsində qəsəbə sakini Nailə Şükürovanı avtomobillə vuraraq hadisə yerindən uzaqlaşan Hövsan qəsəbə sakini 1979-cu il təvəllüdlü Mehman Həsənov idarə etdiyi "VAZ-2107" markalı avtomobil müəyyən olunaraq saxlanılıb. Dekabrın 24-də saat 19:00 radələrində, Bakı-Aeroport yolunda Sabunçu qəsəbə ərazisində Bakı şəhər sakinləri, 1970-ci il təvəllüdlü Faiq Əliyev idarə etdiyi" VAZ-21074" markalı avtomobillə 1969-cu il təvəllüdlü İntiqam Məmmədovu vurub. Xəstəxanaya yerləşdirilən yaralı İ.Məmmədov dekabrın 25-də gecə saatlarında ölüb. Faktla bağlı Sabunçu RPİ 12-ci PB-də araşdırma aparılır.