Yuxarı
    Bağlamaq

    Bakıda qadına hədə-qorxu gələrək pulunu alan şəxslərə hökm oxunub

    Onların hər biri 3 il müddətinə azadlıqdan məhrum edilib© Courtesy İmage

    Bakı. 3 aprel. REPORT.AZ/ Bu gün Bakı Ağır Cinayətlər Məhkəməsində hədə-qorxu ilə tələb etmədə  təqsirləndirilən Orxan Sultanlı və Fəqan Nəcəfovun cinayət işi üzrə məhkəmə prosesi başa çatıb.

    "Report"un xəbərinə görə, hakim Novruz Kərimovun sədrliyi ilə keçirilən prosesdə hökm oxunub.

    Məhkəmənin hökmü ilə O.Sultanlı və F. Nəcəfovun hər biri 3 il müddətinə azadlıqdan məhrum edilib.

    Qeyd edək ki, 2015-ci ilin sentyabrında Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini F.Nəcəfov və O.Sultanov tutulub.

    Həmin şəxslərin paytaxt sakini Əfsanə Abbasovaya hədə-qorxu gələrək, onun 945 manat pulunu alıblar.

    F.Nəcəfov və O.Sultanov Cinayət Məcəlləsinin 182-ci (hədə-qorxu ilə tələb etmə) maddəsi ilə ittiham olunublar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi