Bakı. 11 iyun. REPORT.AZ/ Bakıda qadın piyadanı avtomobil vuraraq öldürüb.
Daxili İşlər Nazirliyinin (DİN) mətbuat xidmətindən "Report"a verilən məlumata görə, iyunun 9-da saat 8 radələrində paytaxtın Nizami rayonu ərazisində Lənkaran rayon sakini Tərlan Məmmədov idarə etdiyi “Opel” markalı avtomobillə yolu keçən Bakı şəhər sakini Lalə İmaməliyevanı vurub və nəticədə piyada hadisə yerində ölüb.
Nizami Rayon Polis İdarəsi tərəfindən araşdırma aparılır.