Bakıda qadın həmcinsinə qarşı 184 min manatlıq dələduzluq edib

Bakı. 27 avqust. REPORT.AZ/ Bakının Xətai rayonunda qadına qarşı külli miqdarda dələduzluq edilib.

“Report”un xəbərinə görə, Bakı şəhər sakini N.Mustafayeva hüquq-mühafizə orqanlarına müraciət edərək 2014-cü ilin fevral ayında 1969-cu il təvəllüdlü Nonna Yuriyevna Rumyantsevanın onu aldadaraq 97 min 375 manat, 11 min 173 avro (təqribən 20 min manat) və 41 min 215 ABŞ dollarını (təqribən 67 min manat) alaraq qaytarmadığını bildirib.

Faktla bağlı hüquq-mühafizə orqanları əməliyyat-axtarış tədbirləri keçirir.