Yuxarı

Bakıda polis əməkdaşı qəza törədib -FOTOLAR

Hadisədən sonra sürücü qəza baş verən yerdən yayınıb

Bakı. 12 yanvar. REPORT.AZ/ Binəqədi rayonu ərazisində yol qəzası baş verib. "Report"un məlumatına görə, hadisə zamanı Azadlıq prospekti ilə Rəsulzadə qəsəbəsi istiqamətində hərəkətdə olan "Nissan" markalı minik maşını yol kənarındakı səkilərə çırpılıb. Sürət yüksək olduğundan, "Nissan" yolun ortasına aşıb. Hadisədən sonra sürücü qəza baş verən yerdən yayınıb. Əraziyə cəlb olunan yol patrul xidmətinin əməkdaşları maşına baxış keçiriblər. Hadisə şahidlərinin sözlərinə görə, qəzaya düşən maşını idarə edən sürücü polis əməkdaşıdır. Binəqədi rayon Dövlət Yol Polisi Şöbəsində aparılacaq araşdırmaların sonunda maşının sahibinin kimliyinə və qəzanın səbəblərinə aydınlıq gətiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi