Bakıda piyadanı avtomobillə vurub qaçan qadın sürücü saxlanılıb

Bakı. 15 dekabr. REPORT.AZ/ Bakıda piyadanın xəsarət alması ilə nəticələnən yol-nəqliyyat hadisəsi baş verib.

"Report" xəbər verir ki, bu barədə Daxili İşlər Nazirliyi məlumat yayıb.

Belə ki, DİN-in Təhlükəsiz Şəhər Xidməti və Yasamal rayon Polis idarəsi (RPİ) əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini Röyal Eynullayevin xəsarət alması ilə nəticələnən yol-nəqliyyat hadisəsini törətməkdə şübhəli bilinən “KİA” markalı avtomobilin sürücüsü - paytaxt sakini V.Bağırova saxlanılıb.