Bakıda piyada keçidindən istifadə etməyən yaşlı kişini avtomobil vurub

Bakı. 22 iyun. REPORT.AZ/ Bakıda yol qəzası zamanı 1 nəfər xəsarət alıb.

"Report" xəbər verir ki, hadisə Nərimanov rayonunda baş verib.

Ziya Bünyadov prospektində 1965-ci il təvəllüdlü Sadıqov Etibar Tofiq oğlu yerüstü piyada keçidinin altından yolun əks tərəfinə keçmək istəyərkən onu minik avtomobili vurub.

Nəticədə piyada ağır xəsarət alıb. Yaralı təcili yardım xidməti vasitəsilə 1 saylı Kliniki Tibbi Mərkəzə yerləşdirilib.

Faktla bağlı Nərimanov Rayon Polis İdarəsinə məlumat verilib.

Araşdırma aparılır.