Bakıda orta yaşlı kişi naməlum şəxs tərəfindən bıçaqlanıb

Bakı. 25 iyul. REPORT.AZ/Yasamal rayonunda dava zamanı bir nəfər ağır xəsarət alıb.

"Report"un xəbərinə görə, hadisə Qələbə dairəsi kimi tanınan ərazidə baş verib.

Belə ki, 1974-cü il təvəllüdlü Ədalət Həmidov naməlum şəxslə əlbəyaxa dava edib. Nəticədə o bıçaqlanıb. 

Yaralı xəstəxanaya yerləşdirilib.

Faktla bağlı Yasamal Rayon Polis İdarəsində araşdırma aparılır.