Bakıda orta məktəbdə baş verən yanğın söndürülüb

Bakı. 6 noyabr. REPORT.AZ/ Fövqəladə Hallar Nazirliyi (FHN) Bakının Səbail rayonunda 51 saylı orta məktəbdə baş verən yanğınla rəsmi məlumat yayıb. "Report"un FHN-in rəsmi saytına istinadən verdiyi xəbərə görə, məlumatda bildirilib ki, Bakı şəhəri, Səbail rayonu Bayıl qəsəbəsində yerləşən 51 saylı orta məktəbin birinci mərtəbəsində elektrik şitində yanğın baş verib. FHN-in Dövlət Yanğından Mühafizə Xidmətinin canlı qüvvə və texnikası hadisə yerinə cəlb olunub.Yanğın 12 kv.m sahəni əhatə edib. Şagirdlər təxliyyə olunub, xəsarət alan yoxdur. Yanğın söndürülüb.