Bakıda oğurluq edən Gürcüstan vətəndaşları tutulub

Bakı. 15 iyun. REPORT.AZ/ Bakıda oğurluq edən Gürcüstan vətəndaşları tutulub.

“Report”un xəbərinə görə, bu barədə Daxili İşlər Nazirliyinin rəsmi saytı məlumat yayıb.

Səbail Rayon Polis İdarəsinin 39-cu Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakinləri Emil Kazımovun, Eldar Məlikovun və Kazım Nəsirovun pulunu və sənədini oğurlayan Gürcüstan vətəndaşları Koba Şavlakadze və Nodari Gabunia tutulublar.

Faktla bağlı araşdırma aparılır.