Bakıda motosikletlə avtomobil toqquşdu, xəsarət alan var

Bakıda xəsarətlə nəticələnən yol-nəqliyyat hadisəsi baş verib.

"Report"un məlumatına görə, hadisə Yasamal rayonunda qeydə alınıb.

Motosikletlə minik avtomobilinin toqquşması nəticəsində, motosikletdə olan sərnişin, 2000-ci il təvəllüdlü Mehbalıyeva Sevda Mülki qızı xəsarət alıb.

O, təcili tibbi yardımın köməkliyilə xəstəxanaya çatdırılıb.

Müayinə zamanı ona hər iki ayaqların çox saylı sıyrıntıları diaqnozu qoyulub.

Faktla bağlı araşdırma aparılır.