Bakıda motosikletçi gənc və anası yol qəzasında xəsarət alıblar

Bakıda iki nəfərin xəsarət alması ilə nəticələnən yol qəzası baş verib.

"Report"un məlumatına görə, hadisə Səbail rayonunda qeydə alınıb. Belə ki, 23 yaşlı Qasımov Kənan Namiq oğlu və anası, 44 yaşlı Qasımova Zeynəb Əbdül qızının olduğu motosiklet avtomobillə toqquşub. Hadisə nəticəsində motosikletin sürücüsü və sərnişini xəsarət alıblar.

Yaralılar təcili tibbi yardımın köməkliyi ilə xəstəxanaya çatdırılıblar.

Hadisənin təfərrüatı araşdırılır.