Bakıda mənzildən qadın meyiti tapılıb

Bakı. 14 oktyabr. REPORT.AZ/ Bakıda mənzildən qadın meyiti tapılıb.

"Report" Fövqəladə Hallar Nazirliyinin (FHN) rəsmi saytına istinadən xəbər verir ki, Nazirliyin Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhəri, Xətai rayonunda bir nəfər bağlı qapı arxasında köməksiz vəziyyətdə qalıb.

FHN-in Xüsusi Riskli Xilasetmə Xidmətinin xilasediciləri hadisə yerinə cəlb olunaraq mənzilin qapısını açıb və 1944-cü il təvəllüdlü İlina İnna İvan qızının meyiti aşkar edilərək aidiyyəti üzrə təhvil verilib.