Bakıda məktəbdən oğurluq edən şəxs tutulub

Suraxanı rayonu Dədə Qorqud qəsəbəsində yerləşən orta məktəblərin birində oğurluq olub.

"Report"un məlumatına görə, Suraxanı Rayon Polis İdarəsinin 30-cu Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində məktəbdən 2 ədəd noutbuk, 2 ədəd monitor və 5 ədəd elektrik tənzimləyici oğurlamaqda şübhəli bilinən qəsəbə sakini C.Qənbərov saxlanılıb.