Bakı. 19 noyabr. REPORT.AZ/ Paytaxtın Nizami rayonu ərazisində liftdə köməksiz vəziyyətdə qalan şəxs xilas edilib
"Report" Fövqəladə Hallar Nazirliyinə istinadən xəbər verir ki, qurumun “112” qaynar telefon xəttinə Nizami rayonunda yaşayış binasının liftində 1 nəfərin köməksiz vəziyyətdə qalması barədə məlumat daxil olub.
Xilasedicilər xüsusi alətlər vasitəsilə liftin qapılarını açmış və vətəndaşın liftdən çıxmasına şərait yaratmışlar.