Yuxarı
    Bağlamaq

    Bakıda kütləvi dava olub, iki nəfər bıçaqlanıb

    Hadisəni törədən şəxslərin axtarışına başlanılıb

    Bakı. 1 mart. REPORT.AZ/ Bakıda kütləvi dava zamanı iki nəfər bıçaqlanıb.

    "Report"un xəbərinə görə, hadisə Binəqədi rayonunda qeydə alınıb.

    Belə ki, Biləcəri qəsəbəsində 1989-cu il təvəllüdlü Hüseynov Elnur Yusif oğlu və dostu Röyal Məmmədov küçədə naməlum 3 nəfər tərəfindən döyülüb. Naməlum şəxlərdən biri üzərində gəzdirdiyi bıçaqla E.Hüseynovun bədən nahiyəsinə R.Məmmədovun isə ayağına zərbə vurub. Daha sonra həmin şəxslər hadisə yerini tərk ediblər.

    Yaralılar küçədəki şəxslərin köməkliyi ilə xəstəxanaya yerləşdirilib.

    Binəqədi Rayon Polis İdarəsinin 6-ci Polis Bölməsinin əməkdaşları hadisəni törədən şəxslərin axtarışına başlayıb. Xəsarət alan hər iki şəxsin izahatı alınıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi