Bakıda külək sakinlərin yolu üzərindəki ağacı qırıb - VİDEO

İki gündür ölkə ərazisində müşahidə olunan külək Bakıda fəsadlar törədib.

"Report" xəbər verir ki, təbiət hadisəsi nəticəsində paytaxtın bir sıra əraziləri ilə yanaşı Nizami rayonu, İsmayıl Məmmədov küçəsi, 21 ünvanında da ağac qırılıb.

Sakinlərin bildirdiklərinə görə, bu, həmin ərazidə baş verən artıq ikinci analoji hadisədir. Onların sözlərinə görə, ağac piyada və maşın yolu kənarında yerləşir və hadisə gecə saatlarında baş verdiyindən, xəsarət alan olmayıb.