Bakıda kişi qadına görə döyülərək ağır xəsarət alıb

Bakının Nəsimi rayonunda yerləşən "Qızıl Tac" restoranı yaxınlığında kütləvi dava olub.

"Report" xəbər verir ki, dava zamanı 1986-cı il təvəllüdlü Abdullayev Elşən Rəhim oğlu tanımadığı bir neçə şəxs tərəfindən döyülüb.

Bildirilir ki, dava qadın üstündə düşüb.

Yaralı 1 saylı Kliniki Tibbi Mərkəzə çatdırılıb. Ona kəllə-beyin travması və sol qolunun sınığı diaqnozu qoyulub. Yaralı Reanimasiya şöbəsinə yerləşdirilib.