Yuxarı

Bakıda kafelərdən birində kütləvi dava zaman iki nəfər bıçaqlanıb

Bakıda kafelərdən birində kütləvi dava zaman iki nəfər bıçaqlanıb
Yaralılardan birinin vəziyyəti ağırdır

Bakı. 14 noyabr. REPORT.AZ/ Bakının Sabunçu rayonu ərazisində kütləvi dava zamanı bıçaqlanma olub.

"Report" xəbər verir ki, 1987-ci il təvəllüdlü İsmayılov Mahir Etibar oğlu və 1987-ci il təvəllüdlü Paşayev İlham Ədil oğlu Balaxanı qəsəbəsində yerləşən "Qartal" kafesində tanıdıqları şəxslərlə əlbəyaxa dava ediblər.

Nəticədə M.İsmayılovun boğaz və bədən nahiyələrinə 3 bıçaq, İ.Paşayevin isə boğaz, bədən və ayaq nahiyələrinə 6 bıçaq zərbəsi vurulub. Hər iki yaralı 3 saylı Kliniki Tibbi Mərkəzə yerləşdirilib.

Həkimlərin verdiyi məlumata görə, M.İsmayılovun vəziyyəti ağırdır.

Faktla bağlı Sabunçu Rayon Polis İdarəsi araşdırma aparır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi