Yuxarı

​Bakıda həmyaşıdını söyüşə görə öldürən şəxsin məhkəməsi keçirilib

Məhkəmənin növbəti prosesi mayın 25-nə təyin edilib

Bakı. 18 may. REPORT.AZ/ Bu gün Bakı Ağır Cinayətlər Məhkəməsində qətl törətməkdə təqsirləndirilən Sərxan Çobanovun cinayət işi üzrə məhkəmə prosesi davam etdirilib.

"Report"un məlumatına görə, hakim Ramella Allahverdiyevin sərdliyi ilə keçirilən prosesdə dövlət ittihamçısı ittiham aktını elan edib.

Daha sonra ifadə verən S.Çobanov özünü təqsirli bildiyini deyib. Çobanov mərhumun ona kobud cavab verdiyini və sonra da söyüş söydüyünü bildirib.

Məhkəmənin növbəti prosesi mayın 25-nə təyin edilib.

Qeyd edək ki, hadisə Sabunçu rayonunda baş verib. 1997-ci il təvəllüdlü Şamo Yunisov bıçaqlanıb. Aldığı bıçaq xəsarəti ilə xəstəxanaya yerləşdirilən Ş.Yunisovu xilas etmək mümkün olmayıb. Aparılan araşdırmalar zamanı qətli onun həmyaşıdı S.Çobanov tərəfindən törədildiyi məlum olub. Polis əməkdaşların əməliyyat-axtarış tədbirləri nəticəsində S.Çobanov tutulub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi