Yuxarı
    Bağlamaq

    Bakıda Gürcüstan vətəndaşı qəza törədib: xəsarət alan var - FOTO - VİDEO - YENİLƏNİB

    Malkoz Abuladze hər iki ayağından xəsarət alıb© Report.az

    *** İlk xəbər saat 08:13-də dərc olunub. Video əlavə olunub

    Bakı. 4 may. REPORT.AZ/ Bakı-Qazax şosesində 1 nəfərin xəsarət alması ilə nəticələnmiş yol qəzası baş verib.

    "Report" xəbər verir ki, hadisə şosenin Qaradağ rayonundan keçən hissəsində qeydə alınıb.

    Belə ki, 1965-ci il təvəllüdlü Abuladze Malkoz Şotayeviçin idarə etdiyi Gürcüstan dövlət qeydiyyat nişanlı "DAF" markalı yük avtomobili İlham Fətiyevin idarə etdiyi "KamAZ" markalı yük avtomobilinə çırpılıb. Nəticədə "DAF" markalı yük avtomobilinin sürücüsü Malkoz Abuladze hər iki ayağından ağır xəsarət alıb. O, xəstəxanaya yerləşdirilib.

    Hadisə nəticəsində "KamAZ" markalı avtomobilindəki qum yola dağılıb və avtomobillərin hərəkətində problemlər yaranıb. Əraziyə yol patrul xidmətinin əməkdaşları cəlb edilib, yolda nəqliyyat vasitələrinin hərəkəti polis əməkdaşları tərəfindən tənzimlənib.  

    İlkin ehtimala görə, hadisəyə səbəb M. Abuladzenin sərxoş olmasıdır. Fakt Daxili İşlər Nazirliyinin Baş İstintaq və Təhqiqat İdarəsi tərəfindən araşdırılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi