Bakıda gənc qadın yol qəzasında xəsarət alıb

Bakıda xəsarətlə nəticələnən yol qəzası baş verib.

"Report"un məlumatına görə, hadisə paytaxtın Nizami rayonunda qeydə alınıb.

"Sevinc" kinoteatrı yaxınlığında iki avtomobilin toqquşması zamanı 1990-cı il təvəllüdlü Səmədova Türkan Bəxtiyar qızı xəsarət alıb. Yaralı təcili tibbi yardım briqadasının köməkliyi ilə xəstəxanaya çatdırılıb. Ona başın əzilmiş-kəsilmiş yarası, qaşüstü nahiyənin kəsilmiş-əzilmiş yarası diaqnozları qoyulub.