Bakıda evdən seyf oğurlayan şəxslər saxlanılıblar

Bakıda evdən seyf oğurlayan şəxslər saxlanılıblar Binə qəsəbəsində evlərdən birindən seyf oğurlayan şəxslər saxlanılıblar
Hadisə
1327
15 Mart , 2021 12:35
Bakıda evdən seyf oğurlayan şəxslər saxlanılıblar

Binə qəsəbəsində evlərdən birindən seyf oğurlayan şəxslər saxlanılıblar

Bu barədə "Report"a DİN-dən məlumat verilib.

Xəzər Rayon Polis İdarəsinin 3-cü Polis Bölməsinin əməkdaşlarının həyata keçirdikləri əməliyyat nəticəsində Binə qəsəbəsində yerləşən evlərdən birindən içərisində 4500 manat nağd pul və 3500 manat dəyərində qızıl-zinət əşyaları olan seyf oğurlayan şəxslər saxlanılıblar. Əməliyyat zamanı paytaxt sakinləri Abdulla Mustafayev Bəxtiyar Rzayev tutulublar.

Araşdırma zamanı məlum olub ki, bu şəxslər seyfi oğurlayandan sonra Binə qəsəbəsində yaşadıqları evə gətiriblər. Onlar seyfi sındıraraq içərisində olan pul və qızıl-zinət əşyalarını ələ keçiriblər. Polislər tərəfindən seyf və oğurlanan qızıllardan bəziləri həmin ünvandan tapılaraq maddi sübut kimi götürülüb.

Faktla bağlı 3-cü Polis Bölməsində toplanan materiallar Xəzər RPİ-nin İstintaq Şöbəsinə göndərilib. A.Mustafayev və B.Rzayev barəsində Cinayət Məcəlləsinin müvafiq maddəsi ilə cinayət işi başlanılıb. Zəruri istintaq və əməliyyat-axtarış tədbirləri davam etdirilir

Son xəbərlər

Orphus sistemi