Bakıda evdən pul və qızıl əşyalar oğurlayan keçmiş məhkum tutulub

Bakı. 21 oktyabr. REPORT.AZ/ Bakıda evdən pul və qızıl əşyalar oğurlayan keçmiş məhkum tutulub.

"Report" xəbər verir ki, məlumatı Daxili İşlər Nazirliyinin saytı yayıb. 

Bildirilib ki, Nəsimi Rayon Polis İdarəsinin 19-cu Polis Bölməsi əməkdaşlarının keçirdikləri əməliyyat-axtarış tədbirləri nəticəsində oktyabrın 16-da rayon ərazisindəki evlərdən birindən 1800 manat pul və qızıl əşyalar oğurlamaqda şübhəli bilinən Abşeron rayon sakini, əvvəllər məhkum olunmuş Emil Şirinov tutulub.