Bakıda evdən oğurluq edilib.
“Report”un xəbərinə görə, hadisə noyabrın 2-də paytaxtın Xəzər rayonunun Binə qəsəbəsi, Südçülük sovxozu ərazisində baş verib.
Belə ki, həmin ərazidə S.İmanovun yaşadığı evindən pəncərədən daxil olmaqla elektrik avadanlığı oğurlanıb.
S.İmanov hüquq-mühafizə orqanları əməkdaşlarına müraciət edib.
Xəzər Rayon Polis İdarəsinin 3-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini, 1976-cı il təvəllüdlü, əvvəllər məhkum olunmuş E.Yaqubov şübhəli şəxs qismində saxlanılıb.
Faktla bağlı araşdırma aparılır.