Bakıda evdən 20 min manat dəyərində qızıl və pul oğurlanıb

Bakı. 19 aprel. REPORT.AZ/ Bakıda evdən 20 min manat dəyərində qızıl əşyalar oğurlanıb. 

"Report" xəbər verir ki, məlumatı Daxili İşlər Nazirliyinin rəsmi saytı yayıb. 

Bildirilib ki, Suraxanı Rayon Polis İdarəsinin  31-ci PB əməkdaşlarının keçirdikləri əməliyyat-axtarış tədbirləri nəticəsində martın 13-də rayon ərazisindəki evlərin birindən 2100 manat və 20.000 manat dəyərində qızıl əşyalar oğurlamaqda şübhəli bilinən Bakı şəhər sakinləri İkram Hüseynov və Bəylər Şükürov saxlanılıblar.