Yuxarı

​Bakıda döyüş sursatı aşkar edilib

Nərimanov rayonunda 2 ədəd F1 əl qumbarası və 2 ədəd qumbara zapalı tapılıb

Bakı. 23 yanvar. REPORT.AZ/ Bakının Nərimanov rayonunda, Əliyar Əliyev küçəsi 114 ünvanında, zibil qutusunun yaxınlığında sellofan torbada istifadəyə yararlı silah-sursat aşkar edilib.

"Report" Fövqəladə Hallar Nazirliyinə (FHN) istinadən xəbər verir ki, nazirliyin “112” qaynar telefon xəttinə daxil olmuş məlumata əsasən, FHN-in müvafiq qurumlarının mütəxəssisləri lazımi tədbirlərin görülməsi üçün dərhal hadisə yerinə cəlb olunub.

Mütəxəssislər tərəfindən əraziyə baxış keçirilərkən aşkarlanmış istifadəyə yararlı olan 2 ədəd F1 əl qumbarası və 2 ədəd qumbara zapalı aidiyyəti üzrə təhvil verilib.

Mütəxəsislər tərəfindən əraziyə təkrar baxış keçirilib və digər partlayış təhlükəli silah və sursat aşkar edilməyib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi