Yuxarı
    Bağlamaq

    Bakıda çay evindən və mənzillərdən oğurluq edən şəxs saxlanılıb

    İstintaqın gedişi zamanı onun başqa oğurluqlarda iştirak edib-etmədiyi də məlum olacaq

    Bakı. 8 dekabr. REPORT.AZ/ Bakıda mənzillərdən oğurluqlar edən şəxs saxlanılıb. "Report"un məlumatına görə Nizami Rayon Polis İdarəsinin 25-ci Polis Bölməsi (PB) əməkdaşlarının həyata keçirdikləri əməliyyat tədbirləri nəticəsində oğurluqda şübhəlı bilinən Şirvan şəhər sakini Tahir İbadov tutulub.

    O, ifadəsi zamanı təkcə Nizami rayonu ərazisində 3 mənzil və 1 çay evinə gizli daxil olaraq, oradan qiymətli məişət əşyaları, televizorlar, oyun aparatları oğurladığını etiraf edib. Sonuncu dəfə T.İbadov çay evindən 2700 manat dəyərində məişət avadanlıqları oğurlayan zaman 25-ci PB-nin əməkdaşları tərəfindən iş başında saxlanılıb. Artıq saxlanılan şəxs Nizami RPİ-nin İstintaq Şöbəsinə göndərilib. T.İbadov barəsində cinayət işi başlanıb. 

    İstintaqın gedişi zamanı saxlanılan şəxsin başqa oğurluqlarda iştirak edib-etmədiyi də məlum olacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi