Bakıda bir gecədə üç avtomobil yanıb

Bakı. 3 iyul. REPORT.AZ/ Paytaxtın Suraxanı rayonunda bu gecə üç avtomobil yanıb.

“Report” Fövqəladə Hallar Nazirliyinin (FHN) rəsmi saytına istinadən xəbər verir ki, "Mercedes" markalı avtomobilin salonu, "Hyundai" və "PRADO" markalı avtomobillərin isə mühərrik hissələri yanıb.

Hər üç halda yanğın yanğınsöndürənlər tərəfindən söndürülüb.