Bakıda baş verən yol qəzasında üç qardaş yaralanıb

Bakı. 25 iyul. REPORT.AZ/ Bakının Nəsimi rayonunda yol-nəqliyyat hadisəsi baş verib.

“Report”un xəbərinə görə, A.Mustafayev küçəsi ev 241 ünvanda 1954-cü il təvəllüdlü Fəyaz Bədəlovun idarə etdiyi KİA və 1978-ci il təvəllüdlü Mehman Sadıqovun idarə etdiyi idarə etdiyi “KAMaz” markalı avtomobillər toqquşub.

Hadisə nəticəsində F.Bədəlov, sərnişinləri 1953-cü il təvəllüdlü Fazil və 1961-ci il təvəllüdlü Əfraz Bədəlovlar xəsarət alıblar. Onlar Azərbaycan Elmi Tədqiqat Travmatologiya və Ortopediya İnstitutuna yerləşdiriliblər.

Faktla bağlı istintaq aparılır.

Qeyd edək ki, hər üç yaralı qardaşdır.