Yuxarı
    Bağlamaq

    Bakıda avtoxuliqanlıq etdiyinə görə işdən qovulan polis əməkdaşı barəsində məhkəmə qərarı açıqlanıb

    O, sürücülük hüququndan məhrum edilib

    Bakı. 5 noyabr. REPORT.AZ/ Azərbaycanda avtoxuliqanlıq etdiyinə görə işdən qovulan polis əməkdaşı barəsində məhkəmə qərarı açıqlanıb. “Report” xəbəbr verir ki, Nizami rayon Məhkəməsinin qərarı ilə Daxili İşlər Nazirliyi (DİN) Çevik Polis Alayının keşmiş əməkdaşı, polis çavuşu Fərhadov Peyman Fərhad oğlu 1 il müddətinə sürücülük hüququndan məhrum edilib və o, 500 manat miqdarında cərimə olunub. 

    Xatırladaq ki, P. Fərhadov metronun “Qara Qarayev” stansiyasının yaxınlığında “VAZ 2107” markalı, dövlət nömrə nişanı olmayan avtomobili ilə yolun əks istiqamətinə çıxmaqla sürüb. O, Dövlət Yol Polisi (DYP) əməkdaşlarının “saxla” əmrinə tabe olmayıb. P.Fərhadovu idarə etdiyi avtomobilin təkəri çıxdıqdan sonra saxlamaq mümkün olub. Araşdırma zamanı onun polis əməkdaşı olduğu üzə çıxıb. P.Fərhadov vəzifəsindən kənarlaşdırılıb. Onun barəsində İnzibati Xətalar Məcəlləsinin 296-1.1-ci (Avtoxuliqanlıq, yəni nəqliyyat vasitəsinin sürücüsü tərəfindən ictimai qaydanı və əhalinin dincliyini nümayişkaranə şəkildə pozan, cəmiyyətə açıqca hörmətsizlik ifadə edən, yol hərəkəti qaydalarının müxtəlif üsullarla davamlı olaraq pozulması ilə müşayiət olunan qərəzli hərəkətlərə görə) maddəsi ilə iş qaldırılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi