Bakıda avtomobilin vurduğu piyada ağır kəllə-beyin travması alıb

Bakıda piyadanın vurulması ilə nəticələnən yol-nəqliyyat hadisəsi baş verib.

“Report” xəbər verir ki, hadisə paytaxtın Yasamal rayonunda qeydə alınıb.

Belə ki, 1949-cu iil təvəllüdlü Əliyeva Sürmə İslam qızı yolu keçmək istəyərkən avtomobil onu vurub.

Yaralı təcili tibbi yardım briqadasının köməkliyi ilə xəstəxanaya çatdırılıb. Ona qapalı kəllə-beyin və qarının küt travması diaqnozu qoyulub.