Bakıda avtomobil qaçıran yeniyetmə tutulub

Bakı. 2 sentyabr. REPORT.AZ/ Bakıda avtomobil qaçırmaqda şübhəli bilinən yeniyetmə tutulub. 

"Report" xəbər verir ki, məlumatı Daxili İşlər Nazirliyinin rəsmi saytı yayıb. 

Belə ki, Nizami Rayon Polis İdarəsinin 25-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində avqustun 31-də Bakı şəhər sakini Elşən Hüseynovun “Niva” markalı avtomobilini qaçırmaqda şübhəli bilinən paytaxt sakinləri Fikrət Heybətli və bir yeniyetmə saxlanılıblar.