Bakıda avtomobil piyadanı vuraraq hadisə yerindən uzaqlaşıb

Bakıda xəsarətlə nəticələnən yol-nəqliyyat hadisəsi baş verib.

"Report"un məlumatına görə, hadisə Nəsimi rayonunda qeydə alınıb. Avtomobil metronun “20 Yanvar” stansiyasının yaxınlığında yolu keçən 1977-ci il təvəllüdlü Oruclu Vuqar Səttar oğlunu vurub. Hadisəni törədən sürücü ərazidən yayınıb.

Yaralı təcili tibbi yardımın köməkliyi ilə xəstəxanaya çatdırılıb.

Hadisənin təfərrüatı araşdırılır.