Bakıda avtomobil piyadanı vuraraq hadisə yerindən qaçıb

Hadisə
  • 14 yanvar, 2018
  • 18:30
Bakıda avtomobil piyadanı vuraraq hadisə yerindən qaçıb

Bakı. 14 yanvar. REPORT.AZ/ Bakıda piyadanın xəsarət alması ilə nəticələnən yol-nəqliyyat hadisəsi baş verib.

"Report" xəbər verir ki, hadisə Sabunçu rayonunda, Ramana qəsəbəsində baş verib.

Belə ki, sürücüsü hələlik müəyyənləşdirilməmiş avtomobil "Şuşa şəhərciyi" ərazisində 1986-cı il təvəllüdlü Əkbərov Rafiq Tofiq oğlunu vurub.

Yarali 3 sayli Kliniki Tibbi Mərkəzə yerləşdirilib.

Qeyd edək ki, piyadanı vuran avtomobilin sürücüsü hadisə yerindən qaçıb.