Bakıda avtomobil körpüdən tunelə aşıb - VİDEO

Bakı. 4 oktyabr. REPORT.AZ/ Bakıda avtomobil tunelə aşıb.

"Report"un məlumatına görə, hadisə Babək prospektində qeydə alınıb. Heydər Əliyev prospektindən Babək prospekti istiqamətində hərəkətdə olan "KİA" markalı avtomobil idarəetməni itirərək körpüdən tunelə aşıb. Nəticədə "KİA"nın sürücüsü yüngül xəsarət alıb.

Qəza nəticəsində həmçinin prospektdə tıxac yaranıb.

Faktla bağlı Dövlət Yol Polisi tərəfindən araşdırma aparılır.