Bakıda avtomobil divara çırpılıb, xəsarət alan var

Bakıda xəsarətlə nəticələnən yol-nəqliyyat hadisəsi baş verib.

"Report"un məlumatına görə, hadisə Sabunçu rayonunda qeydə alınıb.

Maştağa qəsəbəsində sürücü, 1998-ci il təvəllüdlü Cəmaləddinov Yusif Fəxrəddin oğlu idarəetməni itirib. Nəticədə avtomobil divara çırpılıb. Hadisə zamanı Y.Cəmaləddinov xəsarət alıb.

Yaralı təcili tibbi yardım briqadasının köməkliyi ilə xəstəxanaya çatdırılıb. Ona döş qəfəsinin əziyi diaqnozu qoyulub.