Yuxarı
    Bağlamaq

    Bakıda arvadını baltalayan şəxsin məhkəməsi başlayıb

    Məhkəmənin baxış iclası aprelin 3-nə təyin edilib

    Bakı. 31 mart. REPORT.AZ/ Bakı Ağır Cinayətlər Məhkəməsində arvadını balta ilə vurmaqda təqsirləndirilən Yusifov Eldəniz Şirin oğlunun cinayət işi üzrə məhkəmə iclası başlayıb.

    "Report"un xəbərinə görə, hakim Ənvər Seyidovun sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

    Məhkəmənin baxış iclası aprelin 3-nə təyin edilib.

    Qeyd edək ki, qətl hadisəsi Suraxanı rayonunda baş verib. Hövsan qəsəbəsi, R.Allahverdiyev küçəsi, ev 1, mənzil 34 ünvanında yaşayan 1966-cı il təvəllüdlü E.Yusifov evində münaqişə zəminində həyat yoldaşı, 1979-cu il təvəllüdlü Ceyhunəyə əvvəlcə bəçaqla daha sonra isə balta ilə zərbələr endirib.

    Arvadının baş və boyun nahiyələrinə xəsarət yetirən E.Yusifov daha sonra bıçaqla öz qarın nahiyəsinə də xəsarət yetirib.

    Hər iki yaralı 3 saylı Şəhər Kliniki Xəstəxanaya yerləşdirilib. E.Yusifov törətdiyi cinayət əməlini etiraf edib. E.Yusifov hadisəni qısqanclıq zəminində törətdiyini söyləyib.

    O, Cinayət Məcəlləsinin 29,120.1-ci (qəsdən adam öldürməyə cəhd) və 125-ci (özünü öldürmə həddinə çatdırma) maddəsi ilə ittiham olunur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi