​Bakıda ağır yol-nəqliyyat hadisəsi baş verib

Bakı. 10 noyabr. REPORT.AZ/ Bakının Qaradağ rayonunda - Qızıldaş-Korgöz yolunda, Qızıldaş qəsəbə ərazisində ağır yol-nəqliyyat hadisəsi baş verib. Bu barədə “Report”a Bakı Şəhər Baş Polis İdarəsinin (BŞBPİ) mətbuat xidmətindən məlumat verilib.

Belə ki, Bakı şəhər sakinləri – 1995-ci il təvəllüdlü Əlimədət Qurbanzadənin idarə etdiyi “Mercedes” markalı və 1980-ci il təvəllüdlü Azad Mikayılovun idarə etdiyi “KİA” markalı avtomobillər toqquşub. Nəticədə, hər iki sürücü və “Mercedes” markalı avtomobilin sərnişinləri 1991-ci il təvəllüdlü Tərlan Məlikov, 1988-ci il təvəllüdlü Valeh Hümbətov xəsarətlə KTM-ə daxil olub. A.Mikayılov xəstəxanada ölüb, digərlərinin vəziyyəti qənaətbəxşdir.