Bakıda 56 yaşlı kişi bıçaqlanıb

Bakı. 5 dekabr. REPORT.AZ/ Bakıda 56 yaşlı kişi bıçaqlanıb. "Report"un məlumatına görə, hadisə Sabunçu rayonunun Yeni Ramana qəsəbəsində qeydə alınıb.

Belə ki, qəsbə sakini 1958-ci il təvəllüdlü Quliyev Qabil Şamil oğlu yaşadığı evin yaxınlığında naməlum şəxs tərəfindən bıçaqlanıb. Yaralı ağır vəziyyətdə 3 Saylı Şəhər Xəstəxanasına çatdırılıb. Həkimlər onun həyatını xilas edə biliblər.

Faktla bağlı Sabunçu Rayon Polis İdarəsinə məlumat verilib. Hazırda Q.Quliyevi bıçaqlayan şəxsin axtarışları davam etdirilir.